Sýnileikamæling í gervigreind
Gervigreind
Sýnileikamæling í gervigreind
Á hverjum degi spyrja viðskiptavinir þínir ChatGPT, Gemini, Claude og Perplexity spurninga sem áður hófust með Google leit. Hvaða vörumerki eru nefnd í svörunum? Hverjum er mælt með? Sýnileikamæling (e. AI Visibility Benchmark) frá Datera gefur þér svörin - mæld, en ekki ágiskuð.
Hvað er sýnileikamæling í gervigreind?
Sýnileikamæling í gervigreind sýnir nákvæmlega hverju gervigreindartól svara þegar einhver spyr þeirra spurninga sem viðskiptavinir þínir spyrja dags daglega.
Við gerum ítarlega leitarorðagreiningu, og byggt á henni spyrjum við gervigreindartólin sömu spurninga og markhópurinn þinn, á tungumáli markhópsins, í því landi sem hann er, og skrásetjum svörin: Hvaða vörumerki eru nefnd, hverjum er mælt með, hver er settur í fyrsta sæti, og hvaða heimildir tólin lesa til að móta svörin sín.
Hver spurning er lögð fram endurtekið, í öllum helstu tólunum. Þannig mælum við raunverulega hegðun gervigreindarinnar frekar en að skoða bara eitt heppilegt eða óheppilegt svar.
Við spyrjum tólin ekki beint út í þitt vörumerki, því það myndi skekkja niðurstöðuna - við viljum vita hvað birtist á náttúrulegan hátt í svörum gervigreindar.
Niðurstaðan veitir þér þrennt sem hefðbundnar stöðuskýrslur fyrir leitarvélar geta ekki gefið þér:
Hversu oft þú birtist í svörum gervigreindar
Hvar þú stendur í svörunum sjálfum (framarlega, aftarlega, jákvætt, neikvætt, o.s.frv.)
Hvað gervigreindin er að lesa þegar hún mótar svörin.
Hvað færðu?
- Sýnileiki vs. meðmæli. Hversu oft þú ert nefndur yfirleitt og hversu oft svarið beinir lesandanum beint til þín. Það er mikill munur á því að vera nefndur og að vera valinn, og bilið þar á milli er oft mikilvægasta uppgötvunin.
- Hlutdeild í umræðu (Share of voice). Af öllum vörumerkjum sem eru nefnd í þínum geira, hversu mörg tilheyra þér og hversu mörg samkeppnisaðilum þínum.
- Sundurliðun eftir gervigreindartólum. ChatGPT, Gemini, Claude og Perplexity hegða sér eins og fjórir ólíkir markaðir. Við sýnum þér hvar þú stendur sterkt og hvar þú ert ósýnilegur.
- Kaupferlið. Sýnileiki er kortlagður yfir fimm stig kaupferlisins, frá fyrstu upplýsingaleit að kaupákvörðun. Vörumerki sem hverfur þegar viðskiptavinurinn færist nær því að kaupa stendur frammi fyrir allt öðru vandamáli en það sem er ósýnilegt allan tímann.
- Geirinn í heild. Hvaða vörumerki og vefsvæði tólin nefna sem þú vissir ekki einu sinni að þú værir í samkeppni við.
- Heimildagreining. Nákvæmlega hvaða vefsvæði og lén gervigreindin les til að búa til svörin sín. Þetta er gagnlegasta taflan í skýrslunni, því hún sýnir hvaða vinna utan þíns eigin vefs skiptir mestu máli.
- Orðrétt svör. Hvað tólin segja raunverulega, orð-fyrir-orð, jákvætt og neikvætt, þar á meðal heildarmynd af vörumerkinu þínu þegar spurt er beint út í það.
- Forgangsraðaðar aðgerðir. Ekki almenn ráð heldur markvissar aðgerðir, studdar gögnum og raðað eftir áætluðum árangri.
Af hverju skiptir þetta máli núna?
- Leitarhegðun er að breytast hratt: Sívaxandi hluti upplýsingaleitar fyrir kaup hefst í gervigreindartólum en ekki á hefðbundnum leitarvélum.
- Í gervigreindarsvörum tekur sigurvegarinn nánast allt. Niðurstöðusíða á Google sýnir tíu tengla; svar frá gervigreind nefnir venjulega aðeins tvö eða þrjú vörumerki. Ef þú ert ekki eitt þeirra, þá ertu ekki til í þeirri umræðu.
- Þú getur verið í efsta sæti á Google og samt verið ósýnilegur í gervigreindarsvörum. Tólin byggja svör sín á öðru lagi af heimildum, samanburðarvefjum, umræðuvefjum, fréttamiðlum og jafnvel vefsíðum samkeppnisaðila, en ekki bara þínum eigin vef.
- Sagan sem samkeppnisaðilinn segir gæti þegar verið orðin að staðreynd í augum gervigreindarinnar. Þegar frásögn eins vörumerkis er eina útgáfan sem gervigreindin getur vitnað í, endurtekur hún hana sem staðreynd.
Þetta er ekki framtíðin. Þetta er að gerast núna, á íslensku, um þinn geira, í dag.
Hvernig við mælum
Aðferðafræðin er það sem skilur á milli raunverulegrar mælingar og skoðana:
- Raunverulegar spurningar, engin stýring. Spurningarnar byggja á raunverulegri leitarorðagreiningu á tungumáli markhópsins. Engin þeirra nefnir þitt vörumerki eða samkeppnisaðila, hvert einasta skipti sem þú ert nefndur er áunnið.
- Endurtekið í öllum tólum. Hver spurning er lögð fram oftar en einu sinni í hverju tóli, þar sem gervigreindarsvör eru breytileg. Við mælum hegðunina, ekki eitt stakt svar.
- Tölfræðilega marktækt. Allar tölur bera með sér öryggisbil. Lítil úrtök eru sérstaklega merkt sem vísbendingar, og aldrei sett fram sem staðfestar niðurstöður.
- Yfirfarið af sérfræðingum. Svörin eru greind af gagnalíkani sem er kvarðað við handmerkt gagnasett, og síðan yfirfarin og staðfest af sérfræðingum Datera.
Mælingar eru keyrðar á Versoria-kerfinu; hver úttekt er hönnuð og framkvæmd af Datera.
Mæla, lagfæra og mæla aftur
Sýnileikamælingin segir þér hvar þú stendur og af hverju. Gervigreindarúttekt okkar (AI Readiness Audit) segir þér hvað þú þarft að laga á þínum eigin vef. Saman mynda þær ferli sem skilar árangri:
Mæling - Mæla hvað tólin segja og hvað þau lesa.
Framkvæmd - Lagfæra efni, uppbyggingu og þær heimildir sem mælingin sýnir að sé ábótavant.
Endurtekin mæling - Keyra mælinguna aftur (og aftur) og fylgjast með þróuninni yfir tíma.
Þar sem svör gervigreindar breytast hratt samhliða nýjum tungumálalíkönum og heimildum, kjósa flestir viðskiptavinir að keyra mælingar ársfjórðungslega eða í tengslum við stórar herferðir.
Fyrir hvern er þetta?
Öll vörumerki þar sem viðskiptavinir framkvæma upplýsingaleit áður en þeir kaupa. Við höfum þegar framkvæmt mælingar fyrir viðskiptavini í orkugeiranum, bankaþjónustu, smásölu, ferðaþjónustu og fjarskiptum — á íslenskum sem og alþjóðlegum mörkuðum.
Ef fólk er að spyrja gervigreindina út í þinn geira, þarft þú að vita hverju gervigreindin svarar.
Sendu okkur línu á hallo@datera.is eða óskaðu eftir mælingu fyrir þinn geira.
Gervigreindin er þegar byrjuð að lýsa vörumerkinu þínu, hvort sem það er rétt eða rangt, jákvætt eða neikvætt, með eða án þinnar aðkomu. Stóra spurningin er hvort þú vitir hvað hún er að segja.
Fyrsta skrefið er sýnileikamæling, svo þú vitir nákvæmlega hvar þú stendur.
Hafðu samband: hallo@datera.is
Viltu vita meira?
Algengar spurningar um gervigreind og sýnileika
Hver er munurinn á þessu og gervigreindarúttekt fyrir vefi (AI readiness audit)?
Hvernig er þetta öðruvísi en hefðbundin leitarvélabestun (SEO)?
Hvaða gervigreindartól mælið þið?
Við erum ofarlega á Google. Munum við ekki sjálfkrafa koma vel út í gervigreindarsvörum?
Hversu oft ættum við að keyra mælingu?
Getið þið tryggt að ChatGPT mæli með okkur?
Hvað tekur mælingin langan tíma?
Hvað kostar þetta?