Í stefnu þessari er útskýrt hvernig Datera ehf. meðhöndlar persónuupplýsingar um þá aðila sem við eigum í samskiptum við: gesti á þessum vef, fólk sem hefur samband við okkur, viðskiptavini og væntanlega viðskiptavini, og þá sem sækja um starf hjá okkur. Stefna þessi tekur ekki til þess sem á sér stað innan hugbúnaðarlausna okkar. Ef þú notar Kvasi mælaborð, Mími eða Birtu, kynntu þér persónuvernd og gagnavinnslu fyrir Þjónustur. Fjallað er um vefkökur og greiningartól á þessum vef á síðu um vefkökur.
Hver við erum
Datera ehf.
Kennitala: 541118-2330
Laugavegi 7, 101 Reykjavík, Ísland
Datera ehf. er ábyrgðaraðili þeirrar gagnavinnslu sem lýst er á þessari síðu.
Persónuverndarfulltrúi / tengiliður: Tryggvi Freyr Elínarson, tryggvi@datera.is
Hvað stefnan nær yfir
Stefna þessi tekur til persónuupplýsinga sem við vinnum við daglegan rekstur Datera. Þrjú önnur skjöl fjalla um tengd málefni:
Persónuvernd og gagnavinnsla í þjónustu okkar lýsir því hvernig hver hugbúnaðarlausn fer með gögn, hver hýsir þær og hvernig óskað er eftir eyðingu gagna.
Vefkökustefna tekur saman vefkökur, greiningartól og merki (tags) sem notuð eru á datera.is og hvernig hægt er að stýra þeim.
Notkunarskilmálar gilda um notkun á hugbúnaðarlausnum okkar.
Gögn sem við söfnum um vefgesti
Þegar þú skoðar datera.is geta greiningartól og merki sem lýst er í kökustefnu okkar safnað tæknilegum gögnum um heimsóknina. Hvaða tól eru notuð, hverju þau safna og hvernig má hafna þeim er allt útlistað þar, og við höldum þeirri síðu uppfærðri frekar en að endurtaka það hér.
Hafir þú samband við okkur í gegnum vefinn eða með tölvupósti fáum við þær upplýsingar sem þú kýst að senda okkur: venjulega nafn, netfang, fyrirtæki og efni skilaboðanna. Við notum þetta til að svara fyrirspurninni og, ef af verður, til að koma á samstarfi.
Gögn sem við söfnum um viðskiptavini og væntanlega viðskiptavini
Þegar þú ert viðskiptavinur eða íhugar að gerast það, vinnum við þær persónuupplýsingar sem nauðsynlegar eru til að halda utan um viðskiptasambandið:
tengiliðaupplýsingar starfsfólks sem við vinnum með (nafn, starfsheiti, vinnunetfang, símanúmer)
samskiptasögu, fundarglósur og tilboð
samninga- og reikningsupplýsingar, þar á meðal reikninga og greiðslusögu
aðgangsskrár (access records) fyrir hugbúnaðarlausnirnar sem við veitum þér aðgang að (nánar lýst á síðunni um gagnavinnslu í þjónustu okkar)
Við búum ekki til markaðssnið (profiles) um einstaklinga, og við hvorki seljum né leigjum persónuupplýsingar til þriðja aðila.
Ráðningar
Við auglýsum laus störf í gegnum ráðningarvettvanginn Alfreð, og gilda þeirra eigin persónuverndarskilmálar þegar sótt er um þar. Við tökum einnig fagnandi á móti almennum umsóknum á hallo@datera.is. Við geymum almennar umsóknir í allt að tólf mánuði til að geta haft samband ef viðeigandi starf losnar; þú getur beðið um eyðingu þinnar umsóknar hvenær sem er.
Lagagrundvöllur vinnslu
Við byggjum vinnslu okkar á eftirfarandi lagagrundvelli samkvæmt persónuverndarreglugerðinni (GDPR) og lögum um persónuvernd og vinnslu persónuupplýsinga (nr. 90/2018):
Tilgangur | Lagagrundvöllur |
|---|---|
Svör við fyrirspurnum og viðræður um mögulegt samstarf | Lögmætir hagsmunir af því að svara þeim sem hafa samband við okkur (6. gr. 1. mgr. f-liður) |
Veiting þjónustu samkvæmt viðskiptasamningi | Framkvæmd samnings (6. gr. 1. mgr. b-liður) |
Reikningagerð, bókhald og skattaskráning | Lagaskylda (6. gr. 1. mgr. c-liður) |
Varðveisla almennra atvinnuumsókna | Samþykki, veitt við sendingu umsóknar (6. gr. 1. mgr. a-liður) |
Faglegar uppfærslur og fréttir til núverandi tengiliða | Lögmætir hagsmunir; þú getur afþakkað hvenær sem er (6. gr. 1. mgr. f-liður) |
Vefgreining | Samkvæmt nánari útlistun í vefkökustefnu |
Hversu lengi við geymum gögn
Gögn | Varðveislutími |
|---|---|
Fyrirspurnir sem leiða ekki til viðskiptasambands | Allt að 24 mánuðir frá síðustu samskiptum |
Tengiliðaupplýsingar viðskiptavina og samskiptasaga | Á meðan viðskiptasamband varir og allt að 24 mánuði eftir lok þess, eða lengur ef lög krefjast þess |
Samningar, reikningar og greiðslugögn | Sjö ár frá lokum viðkomandi reikningsárs, samkvæmt lögum um bókhald nr. 145/1994 |
Atvinnuumsóknir | Allt að 12 mánuðir frá móttöku |
Notkunar- og aðgangsskrár að þjónustu | Samkvæmt lýsingu á síðu um gagnavinnslu í þjónustu |
Þegar varðveislutíma lýkur eyðum við gögnunum eða afpersónugreinum þau þannig að ómögulegt sé að rekja þau til einstaklinga.
Hverjum við deilum gögnum með
Við notum fáeina þjónustuaðila fyrir bókhald, tölvupóst, skjalastjórnun og sambærilegan daglegan rekstur. Hver og einn starfar samkvæmt okkar fyrirmælum á grundvelli vinnslusamnings sem uppfyllir kröfur 28. gr. GDPR. Við birtum ekki lista yfir þær þjónustur sem við notum opinberlega en veitum hann sé þess óskað af hálfu þeirra sem hafa lögmæta ástæðu til: hafið samband við tryggvi@datera.is
Vinnsluaðilar sem koma að rekstri hugbúnaðarlausna okkar eru á sérstökum lista sem er að finna á síðunni um gagnavinnslur og skýjalausnir.
Við gætum einnig þurft að afhenda persónuupplýsingar þar sem lög mæla fyrir um, til dæmis til skattayfirvalda eða samkvæmt lögmætri kröfu opinberra aðila.
Miðlun gagna út fyrir EES
Við geymum rekstrargögn fyrirtækisins innan Evrópska efnahagssvæðisins (EES) eins og kostur er. Þar sem þjónustuaðili vinnur persónuupplýsingar utan EES byggjum við miðlunina á ákvörðun framkvæmdastjórnar ESB um fullnægjandi vernd eða á stöðluðum samningsskilmálum framkvæmdastjórnarinnar (Standard Contractual Clauses), ásamt viðbótaröryggisráðstöfunum eftir því sem við á.
Þín réttindi
Þú átt rétt á að:
fá aðgang að þeim persónuupplýsingum sem við geymum um þig og afrit af þeim
fá ónákvæmar eða ófullkomnar upplýsingar leiðréttar
fá upplýsingum um þig eytt ef við höfum ekki lengur lögmæta ástæðu til að varðveita þær
takmarka vinnslu á meðan leyst er úr ágreiningi um réttmæti gagna
fá gögn sem þú lést okkur í té afhent á skipulögðu, tölvulesanlegu sniði (gagnaflutningur)
andmæla vinnslu sem byggir á lögmætum hagsmunum, þar með talið hvers kyns beinni markaðssetningu
afturkalla samþykki þitt hvenær sem er þar sem vinnsla byggir á samþykki
Til að nýta þessi réttindi getur þú sent tölvupóst á tryggvi@datera.is. Við staðfestum móttöku og svörum innan eins mánaðar. Sé beiðni flókin gæti afgreiðsla tekið allt að tvo mánuði til viðbótar, og munum við þá láta vita af því. Við gætum farið fram á að staðfestingu á því hvert þú ert (lögmætt persónuauðkenni) áður en brugðist er við beiðni.
Sért þú ósátt(ur) við meðferð okkar á persónuupplýsingum átt þú rétt á að leggja fram kvörtun til Persónuverndar (Laugavegi 166, 105 Reykjavík, personuvernd.is) eða til eftirlitsyfirvalds í því EES-landi þar sem þú býrð eða starfar.
Breytingar á persónuverndarstefnu
Við munum uppfæra þessa síðu þegar verklag okkar breytist og dagsetningin hér neðst sýnir ávallt hvenær henni var síðast breytt. Verulegar breytingar sem hafa áhrif á viðskiptavini verða einnig tilkynntar sérstaklega.
Síðast uppfært: 8. september 2026